குருஷக்திஸ்ரீ ஸத்ய பகவான் :நல்லதோர் வீணை

குருஷக்தி பகவான் ஸ்ரீ ஸத்யம் கோவில் கட்ட வந்தவரோ, குறி சொல்ல வந்தவரோ அல்ல, பகவான் ஸ்ரீ ஸத்யம் சாமியாரோ, ஸன்யாசியோ அல்ல. உலக சுதந்திரத்தை புணரமைக்கவும், சீர்படுத்தவும் வந்த ஓர் அவதாரமாவார்கள். மனித விடுதலைக்கான சாவியாவார்கள்.

“நாம் ஒரே குடும்பம்.. நாம் ஒரே உலகம்” என்று உலகை நவீன நாகரீகத்தை நோக்கி அழைத்துச்செல்ல வந்த ஒரு பூரண சுதந்திரர்.

நமது குருஷக்தி, கேரள காஞ்சன் காட்டில் அவதரித்து ஸ்ரீ மஹாதேவ் எனும் ஓர் மஹானால் வளர்க்கப்பட்டவர்கள். சிறுவயதிலேயே பலருடைய கர்மாக்களை இவர்கள் வாங்கிக் கொள்வதையும், பலருக்கு அவர் செய்த அற்புதங்களையும் நேரில் கண்ட பலரும் இவர் ப்ரபஞ்ச மஹாசக்தியின் அவதாரம் என்பதை வெகுதாமதமாகத்தான் உணர்ந்தார்கள்.

தனது சொந்த வாழ்க்கையை சோதனைக் களமாக்கி, தான் வந்த நோக்கத்தை- தனது ஞானத்தை மக்களுக்கு கொடுப்பதற்காக மக்களின் வாழ்க்கை முறையை அறிய, கிட்டத்தட்ட 25 வருடங்கள் தன்னை வெளிப்படுத்திக் கொள்ளாமல் மக்களோடு மக்களாக வாழ்ந்தார்கள். சாதாரண மக்களோடு உறவாடவும், கலக்கவும் பல யுக்திகளை குருஷக்தி கையாண்டார்கள். மக்களோடு தொடர்புடைய பலவிதமான தொழில்கள் செய்து கொண்டு பலவிதமான ஆன்மீக கேள்விகளை அவர்களிடையே எழுப்பினார்கள். விழிப்புணர்வை ஏற்படுத்தினார்கள். பதில்களை கூறுவோர்களுக்கு பற்பல பரிசுகளை வழங்கி உற்சாகப்படுத்தினார்கள். ( தற்போதும் குருஷக்தியிடம் அந்த பழக்கம் உள்ளதை பலரும் அறிவார்கள்.)

தனது 12 வது வயதில் கேரளாவில் ஆன்மீக பயணத்தை தொடங்கிய நமது குருஷக்தி இமயமலை வரை இந்தியா முழுவதும் கால்நடையாகவே நடந்தார்கள். அந்த காலகட்டத்தில் இந்தியா முழுவதிலும் ஆஷ்ரமங்கள், மடங்கள், கோவில்களில் உள்ள ஞானியரோடு, மஹான்களோடு தங்கினார்கள். தன்னை வெளிப்படுத்திக் கொள்ளாமலே கேள்விகளால் உறவாடினார்கள்.

சென்னை, பெங்களூர்களில் ஆஷ்ரம் அமைத்து மனித சேவைகளில் ஈடுபட்டார்கள். ஏலகிரிமலையில் ஆஷ்ரம் நிறுவினார்கள். பலருடைய வாழ்க்கையை அற்புதகரமாக மாற்றி அமைத்தார்கள். த்யான முகாம்களை நடத்தினார்கள். எந்த விதமான விளம்பரங்களும் ஆர்ப்பாட்டங்களும் இல்லாமலேயே.. விளம்பரங்கள், புகழ் ஆகியவைகளிலிருந்து அவர் ஒதுங்கிக் கொள்ளும் பாங்கே அற்புதமான கவிதை