மஹாசக்திதெய்வீக சக்தி
நமது எல்லையில்லாத ஸ்ரீ ஸ்ரீ மஹாசக்தியானவரை ஒவ்வொருவரும் உணருவதற்காக உருவாக்கப்பட்ட திருத்தலமே நமது பரிபூரண ஸ்ரீ ஸ்ரீ பிரபஞ்ச மஹாஷக்தி மோக்ஷ விலாஸ் சந்நிதி. இது ஒரு உணர்வு தலம். அதிர்வலை சந்நிதி.
முன்பு சொன்னதுப்போல ஒரு அரிய அபூர்வ அதிர்வலைத் தெய்வ சந்நிதியான நமது ஸ்ரீஸ்ரீ பரிபூரண பிரபஞ்ச மஹாசக்தி மோக்ஷ விலாஸ், உலகமும் உலக உயிர்களும் பிரபஞ்ச நியதிப்படி இயங்கிட, நன்மை–தீமை என்ற இரு சக்திகளின் சமநிலையை 49:51 என்ற விகிதத்தில் நிலைநிறுத்தி, உலக ஒழுங்கு சிதையாமல் காக்கும் தெய்வீக மையமாக விளங்குகிறது.
நன்மை 51 ஆகவும், தீமை 49 ஆகவும் இருப்பதாலேயே உலகம் தொடர்ந்து இயங்குகிறது. நன்மை குறையாமலும், தீமை மேலோங்காமலும் இருக்க வேண்டும். இல்லையென்றால் ஒழுங்கு சிதையும். இந்த இரண்டிற்கும் இடையில் தெய்வீக சமநிலையை நிலைநிறுத்தும் மஹாசக்தியின் வெளிப்பாடே இந்த சந்நிதி.
பிரபஞ்சத்தின் ஒட்டுமொத்த சக்திகளின் வடிவான ஸ்ரீ மஹாசக்திக்கு அர்ப்பணிக்கப்பட்ட உலகின் முதல் சந்நிதியாக இத்தலம் விளங்குகிறது.
பக்தர்களுக்கு அருள், ஆன்மீக விழிப்புணர்வு மற்றும் தெய்வீக அனுபவத்தை வழங்கும் அருள் மழையின் நிரந்தர இருப்பிடமாக இது திகழ்கிறது.
ஸ்ரீ கிருஷ்ணர் அர்ஜுனனுக்கு தரிசனம் அருளிய ஸ்ரீஸ்ரீ விஷ்வரூப மஹாசக்தியானவருக்கு அர்ப்பணிக்கப்பட்ட உலகின் ஒரே சந்நிதி இதுவாகும்.
அனைத்து தெய்வீக சக்திகளும் ஒரே பேராற்றலாக விளங்கும் அந்த விஷ்வரூப மஹாசக்தியை வணங்கிட உருவாக்கப்பட்ட புனித அருட்தலம்.
இப்பிரபஞ்சத்தின் மூன்று பேராற்றல்களான பிரம்ம சக்தி, விஷ்ணு சக்தி, சிவ சக்தி ஆகிய மூன்று தெய்வீக சக்திகளும் ஒருங்கிணைந்து வெளிப்படும் பிரமாண்ட மஹாசக்தியின் புனித ஸ்தலமாக இது திகழ்கிறது.
இப்பிரபஞ்சத்தை இயக்குவது, இயங்குவது, அனைத்திற்கும் சாட்சியாக இருப்பது ஆகிய பிரபஞ்ச இயக்கத்தின் மூன்று அடுக்குகளையும் தன்னுள் தாங்கியுள்ள அருட்பேராற்றலின் மையம் இது.
இது ஒரு கட்டிடம் அல்ல; நமது குருஷக்தியானவரின் அர்ப்பணிப்பும், ஆன்மீக சாதனையின் வெற்றிக்கனியும் ஆகும். ஸ்ரீ ஸத்ய அவதார் அவர்கள், 27 ஆண்டுகள் இடையறாத சுய முயற்சி, சுய உழைப்பு மற்றும் ஆன்மீக தவத்தின் மூலம், ஒருவரிடமும் நன்கொடை பெறாமல், பிரபஞ்சத்தின் ஒட்டுமொத்த பேராற்றலான ஸ்ரீ மஹாசக்திக்காக இச்சந்நிதியை நிறுவினார்கள்.
உலக நன்மைக்காகவும், பக்தர்கள் தெய்வீக அருளைப் பெறவும், இந்த அருட்சந்நிதியை மனிதகுலத்திற்கு ஓர் அன்புப் பரிசாக அருளினார்கள். அவர்களது ஆன்மீகப் பயணத்தின் உயிரோவியமாகவும், பக்தர்களுக்கான அருட்கொடையாகவும் இச்சந்நிதி என்றும் விளங்கும்.
விதிக்கப்பட்டவர்களால் மட்டுமே காலடி வைக்க முடிகிற ஸத்யவழிகளின் தெய்வீக உணர்வு ஸ்தலத்தின் மிக முக்கியமான 12 சிறப்புக்கள்:
ஓம் மஹாசக்தி ஜெய் குருஷக்தி..!
இது ஒரு பிரபஞ்ச சமுத்திரத்தின் தெய்வீக அதிர்வலை உணர்வு ஸ்தலமாகும். ஒட்டுமொத்த உலகத்திற்கான பிரபஞ்ச பிராண இடமாகும். இங்கு ஒன்றை ஒருவர் நினைத்தால் போதும். அவருக்கு அது நடக்கும். இங்கு முழு இறைவனை நம்பத்தேவையில்லை. உணரவேண்டும். உணரப்படுகிறது. இது ஒரு கோவில் அல்ல. உருவதோடும், உருவம் இல்லாமலும், அனைத்திற்கும் சாட்சியாகவும் இருக்கும் முழு இறைவனை அடைவதற்கான வாசல் ஆகும்.
இப்ரபஞ்சத்தின் மூன்று முக்கிய கூறுகளான பிரதான அடுக்குகளான பிரம்ம சக்தி, விஷ்ணு சக்தி, சிவ சக்தி ஆகிய மூன்று சக்திகளும் இணைந்த மஹாசக்தி / பெரிய சக்தி ஸ்தலமாகும்.
ஸ்ரீ பரிபூரண பிரபஞ்ச மஹாசக்தியை வழிபடும் ஒருவர் இவ்வுலகத்தில் உள்ள எல்லா வகையான சக்திகளையும் தெய்வங்களையும் வணங்கியவராகிறார். அத்தனை பலன்களையும் ஒரே இடத்தில் ஒரு சேர அடைகிறார்.
ஸ்ரீ மஹாசக்தி மோக்ஷ விலாஸ் என்பது இந்த உலகம் இறைவன் என்று சொல்லக்கூடிய ஆதார சக்தியின், அனைத்திற்கும் ஆதிமூலமானவரின், உலக உரிமையாளரின், பிரபஞ்ச அதிபரின் விலாசமாகும்.
நாள் தவறாமல் வருடம் முழுவதும் இங்கே ஒவ்வொரு மனிதனுக்காகவும் உயிர்களுக்காகவும் இந்த கிரியை தினசரி செய்யப்பட்டு வருகிறது. உலக மக்கள் மற்றும் உயிர்கள் ஆபத்துகளில் இருந்தும், பெரு வியாதிகளில் இருந்தும் பாதுகாப்பாக வாழ ஸத்ய ஷேம க்ரியா நடைபெறும்.
நாள் தவறாமல் வருடம் முழுவதும் இங்கே ஒவ்வொரு குழந்தைக்காகவும் தினசரி இந்த க்ரியா செய்யப்பட்டு வருகிறது. தினசரி உலகத்தில் பிறக்கும் பிறவி எடுக்கும் ஒவ்வொரு குழந்தையும் நலமுடன் வாழவும், பூமிக்கு வரவேற்கவும் ஸத்ய ஜனன க்ரியா தினசரி நடைபெறுகிறது.
நாள் தவறாமல் வருடம் முழுவதும் இங்கே ஒவ்வொரு மனிதனுக்காகவும் மோக்ஷ தீபம் தினசரி ஏற்றப்பட்டு வருகிறது. தினசரி உலகில் மரணப்படும் இறக்கும் அத்தனை ஆத்மாக்கள் கர்ம சுழலில் சிக்கி மீண்டும் மீண்டும் பிறவிகள் எடுத்து கஷ்டப்படாமல் துன்பப்படாமல் மோக்ஷம் அடைந்து இறைவன் திருவடி சேர வேண்டிய ஜீவ விமோசன மோக்ஷ க்ரியா நடைபெறும். இதெற்கென மோக்ஷ தீபம் தினசரி ஏற்றப்பட்டு வருகிறது.
உங்கள் பிறந்த நாள் வாழ்நாள் முழுக்க ஒரு பிறந்த நாள் தவறாமல் இங்கே ஆசிர்வதிக்கப்படுகிறது..! தினசரி உலகத்தில் பிறந்தநாள் காணும் ஒவ்வொரு உலக மனிதர்களையும் ஆசிர்வதிக்கும் வகையில் தினசரி தீர்க் ஆயுஷ்மான் பவ க்ரியா நடைபெற்று வருகிறது.
உங்கள் திருமண நாள் வாழ்நாள் முழுக்க ஒரு திருமணநாள் தவறாமல் இங்கே ஆசிர்வதிக்கப்படுகிறது.. தினசரி உலகில் திருமண நாள் காணும் தம்பதிகளை ஆசிர்வதிக்கும் விதமாக தினசரி தீர்க் சுமங்கலி பவ க்ரியா நடைபெற்று வருகிறது.
உங்கள் தினசரி வாழ்வில் சக்தியும் ஊக்கமும் பெற ஒரு நாள் தவறாமல் இங்கே உங்களுக்கான கிரியை செய்யப்பட்டு வருகிறது.. தினசரி ஒவ்வொரு மனித உயிர்களும் அவர்கள் பிறந்த நோக்கம் நிறைவேற நிறைவேற்ற சக்தியும் ஊக்கமும் பெற பிரபஞ்ச பிராண க்ரியா தினந்தோறும் நடைபெற்று வருகிறது.
படியளக்கும் பெருமாள் நாள் ஒன்றுக்கு ஒரு பக்தனை குபேரனாக்கும் பொருட்டு ஒவ்வொரு பக்தருக்கும் இப்ரசாதம் வழங்கப்படுகிறது.
மனித வாழ்வில் தடுமாறாமல் தடம்மாறாமல் மனம் போன போக்கில் வாழாமல் பிறவி நோக்கத்தை லட்சியத்தை நோக்கி வழி நடத்தும் ஆன்மீக வாழ்வியல் மோக்ஷ வாசல்..
ஸத்யம் சமர்ப்பணம்.. மஹாசக்திக்கு அர்ப்பணம்.. காலடி வைத்தாலே கர்ம வினை தீரும்..
